商戶review 1: 裙褂(永隆繡莊),花球(秋子),化妝(Louisa Wong)

我的大日子已經過去了,已差不多一星期,每天我仍然好回味當日的照片

係到我好想做個商戶評價,因為我係攪婚禮既過程我覺得自身用過既感受係最值得參考,所以好希望未來的姊妹都能有所得著,當你睇完我的評論,希望能幫到你一點點。

1. 先講褂,我係永隆繡莊租既,雖然其實我好想係冠南華租,但價錢方便,我想永隆繡莊會比較抵,所以最後都係永隆繡莊租,而且有朋友用過,推介,咁我都信我朋友,整體都係好既,我自己好鍾意,當你SET哂頭,戴哂金,你就會覺得好靚,本人喜歡多金線既褂,所以我揀金龍金鳳。

2. 花球,原先我一心係繽紛都買,係呢到見到好多人講秋子,就上去睇下啦,間野有點奇怪,但我見到好多人上去,個個都訂,咁我都照訂啦,我係早一日拎既,我訂左兩個,紅玫瑰呢個係我化妝師後來叫我加既,因為穿褂拎紅色花球是最好看,我自己都覺得係,所以呢個後加花球是850包一個新郎襟花。呢個紅玫瑰花球真係好靚,秋子做花球真係好得,絕對是最佳選擇。

3. 化妝師(Louisa Wong), 她真的是我最佳化妝師,睇我D相就知,呢D相我全部無執過,純單反機影出黎,無加工,佢好堅係整頭髮,我D胡姬係秋子既,化妝師幫我整個褂頭加胡姬,超襯。呢個化妝師係我朋友曾經用過,都係化得好好,她是一個好有經驗的化妝師,係我大婚前一個星期,佢仲會幫新娘電眼睫毛。

早拍晚播 by Dino Leung wedding photography and video service

真的好感謝我的好好攝影師,佢個same day edit 做得好好,睇左幾廿次都睇唔厭

https://www.youtube.com/watch?v=d-2ayI3IJE8

 

成長片段 by Dino Leung wedding photography and video service

婚禮終於完結,好開心,真我鬆一口氣,先俾大家睇返我的成長片段,Dino製作。

https://www.youtube.com/watch?v=EXMRWX3KN-Y

倒數12日

還有12日就是結婚的大日子了

去到今日我真的好想講句攪結婚真的很辛苦,尤其是係過完大禮之後,其實我過大禮過得比較遲,而且同時間我地仲攪埋搬屋裝修買傢俱,真係人都癲,所有野都係十一月二十四日前完成。

實在有太多鎖碎事要處理,如當日去兄弟姊妹係茶樓食個LUNCH都要去俾訂,頭花又要訂,租衫要去度身,之後再要去FINAL FITTING,媽媽衫又要FITTING,安排行車路線,接新娘遊戲,好多野攪,我覺得真係超級煩爆。