其實當我知道我將會結婚既時候,我第一樣野搵既就係mua,我心中已有一個人選,她就是王穎(imakeup),不知你認識她與否,由於我很久之前已經知道她,心想當我自己結婚既時候,就一定要用佢,到我真係攪結婚,立即send email去睇下有無期啦,有期喎,立即去試妝啦,由於我對佢太有信心,去試妝的心態只是去確認一下,試妝費又可以用返係package到,覺得都應該無乜野啦...點知,係聯絡過程上,我一直都係無機會同王穎溝通過,一直都係一個類似助手或者叫receptionist回應我既問題,開頭都覺得無咩問題,後來就好有問題,始終不能直接跟化妝師對話,下下轉述真係好有問題。
七月頭約左上去試妝,佢講明只係試三個鐘,三個鐘試左兩頭兩妝,試妝佢有嘗試痴雙眼皮膠紙,但痴兩野就話痴唔到,咁我就信佢啦,跟住佢又用d二手假睫毛俾我,後來我話俾d朋友知,佢地個個都話好cheap,仲有個個都話實痴到雙眼皮膠紙,係唔會痴唔到,只有佢唔想痴,可能係我自己又唔係好識,我當時無challenge佢,好快就試完,開頭覺得都無乜野,由於唔即日決定join package,佢要收返我1000蚊試妝費,係咁既情況下,我就俾左deposit,仲要俾左一半...
王穎有用佢地既相機幫我影哂相,話會send返俾我,我等左成個星期都無相睇,要三吹四請先send返d相俾我,其實我自己都有帶相機去影,我將我部機影既相,俾d朋友睇,個個都話佢化得好差,完全唔掂,問題最嚴重係化到我大細眼,化到隻眼唔自然,佢化smoky eyes落我隻眼到,個個都話唔掂,整到我好恐慌啦,至於髮型,都沒有什麼好評,係咁既情況下,我就打電話去同imakeup講,叫佢睇返d相,可唔可以將我已俾左既錢轉做其他野,如化媽媽姊妹等...但我得到既答覆係...
"收到閣下的電話，我們再翻看當日的相片，第一個淡妝的確是有大細眼的問題。由於一般我們會先化一個淡妝，再去和客人商量妝容的濃淡度，
但又因為是淡妝，眼影眼線等等都以最自然為主，相對會較難調整眼型問題。
所以在第二個較濃妝的時候（請看附件），因為眼影和眼線可以有較大變化，較能調整大細眼問題。
至於雙眼皮，當時的確曾經試過貼雙眼皮，
其實當時如果”夾硬”貼都可以，
唯以我們的風格來說，會覺得不太自然及不美觀，所以最後王穎才建議不痴雙眼皮。
其實雙眼皮部份除了雙眼皮膠紙外，亦可用雙眼皮膠水，這會比膠紙更能調整類似閣下左眼的眼型問題，但因為如果用雙眼皮膠水，眼影方面不能轉色，
所以王穎當時也沒有建議閣下採用這個方法，用意是可以令閤下結婚當日的造型又更多變化。
最後，我們當然很希望繼續能為閣下服務，而且仍然期望在當日再就著閣下的要求盡量做到完美。
但如果閣下仍然決定取消booking，很遺憾我們列明已收的訂金是不作退款或轉讓的呢，希望閣下能再作考慮。"
睇到呢段咁既回覆,你話唔嬲到爆,最後我決定係唔會用佢做我既mua,錢事少,攪到心情差,激氣事大,在此勸大家真係要小心揀化妝師,真係要試多幾個比較,試妝費500-1000俾左去,好過最後連訂都蝕埋就好似我咁傷啦...
沒有留言:
發佈留言